HREY1LB01Z - Íþróttir með áherslu á líkamsbeitingu

Lýsing

Áfanganum er ætlað að auka þekkingu nemenda á réttri líkamsbeitingu og jafnvægi líkama og hugar, jafnt við æfingar og dagleg störf.Unnið verður að þessu með hefðbundnum styrktar-,úthalds- og liðleikaæfingum auk slökunaræfinga og leikja.

Markmið:

Þekkingarviðmið

Nemandi skal hafa öðlast þekkingu og skilning á:

• æfingum sem bæta líkamsstöðu
• eigin leikni og færni við leik og störf
• mikilvægi upphitunar, styrktar- og liðleikaþjálfunar
• mikilvægi hreyfingar fyrir líkama og sál

Leikniviðmið

Nemandi skal hafa öðlast leikni í að:

• stunda æfingar og hreyfingu sem stuðlar að bættri líkamsbeitingu
• stunda þjálfun og hreyfingu sem hefur áhrif á jákvæða upplifun og viðhorf til líkams- og heilsuræktar
• finna hvað það skiptir miklu máli að geta róað huga og líkama

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• nýta sér undirstöðuatriði líkamsbeitingar í þjálfun
• styrkja jákvæða sjálfsmynd með þátttöku í almennri heilsurækt, leikjum og útiveru
• Að ná að átta sig á hvernig hægt er að róa hugann og líkamann með rólegum æfingum