HÖTE3ST05 - Sniðteikning, fatasaumur

Lýsing

Nemandinn lærir að hanna og sauma flíkur, kynnist sníðagerð og saumtækniatriðum. Nemandinn þjálfast í útreikningi á efnismagni og skipulagi við að leggja snið á efni. Nemandinn lærir að teikna grunnsnið og nota þau til að vinna flóknari sniðútfærslur í einum fjórða mælikvarða til yfirfærslu í raunstærð. Nemandinn þjálfast í skipulögðu vinnuferli og mátun sniða með saumi á prufuflíkum og leiðréttingu sniða eftir mátun. Nemandinn öðlast færni í að vinna og þróa eigin hugmyndir í fatagerð.

Þekkingarviðmið:

Nemandi skal hafa öðlast þekkingu og skilning á:

• grunnhugtökum sniðagerðar

• hvaða vefjarefni henta í mismunandi flíkum

• uppbyggingu grunnsniða með tilheyrandi hreyfivídd

Leikniviðmið:

Nemandi skal hafa öðlast leikni í að:

• skissa hugmyndir, teikna tískuteikningar og flatar vinnuteikningar

• útfæra snið eftir eigin teikningum í smærri mælikvarða og yfirfæra í raunstærð

• teikna snið af mismunandi flíkum

• reikna út efnismagn fyrir flíkur samkvæmt sniðum

Hæfniviðmið:

Nemandi skal geta hagnýtt þá almennu þekkingu og leikni sem hann hefur aflað sér til að:

• Þróa eigin hugmyndir á sjálfstæðan hátt með rannsóknar- og skissuvinnu fyrir sníðagerð

• Nýta grunnsnið og gera á þeim breytingar til samræmis við eigin hugmyndir

• Meta hvaða vefjarefni hentar í tengslum við notagildi

• Ígrunda og ræða um verk sín og vinnuferli í samvinnu við kennara og samnemendur og setja eigin verk fram til kynningar með skýrum hætti