ENBÍ2BE02 - Enska fyrir bíliðngreinar

Lýsing

Nemendur lesa efni sem tengist bíliðngreinum, svo sem kennsluefni, viðgerðarbækur auk tómstunda- og fræðigreina. Þjálfuð er ritun á enskum texta sem nýtist við dagleg störf í bíliðngreinum. Nemendur öðlast hæfni til að halda kynningar og halda uppi samtali á ensku þar sem notaður er orðaforði bíliðngreina. Nemendur byggja upp orðaforða sem tengist bílum og viðgerðum á þeim. Einnig verður farið í upprifjun grunn málfræði til að byggja upp faglegan frágang í tali og texta.

Þekkingarviðmið

Nemandi skal hafa öðlast þekkingu og skilning á:

• Orðaforða á ensku sem tengist bílum og viðgerðum á þeim.
• Hefðum sem eiga við um talað og ritað mál á ensku í tengslum við bíliðngreinar.
• Orðaforða sem gerir honum kleift að tileinka sér með góðu móti lesefni í áframhaldandi námi eða starfi og auðveldar honum nám í viðkomandi grein.

Leikniviðmið

Nemandi skal hafa öðlast leikni í að:

• Lesa og skilja texta, svo sem viðgerðarupplýsingar, bæklinga og fræðigreinar með það að markmiði að auka orðaforða sinn og afla upplýsinga.
• Undirbúa og flytja kynningar.
• Nota orðabækur og orðasöfn (rafræn).
• Skrifa texta um margvísleg málefni tengd faggreininni, t.d. tölvupósta, vörupantanir o.fl.
• Hlusta á enska tungu og skilja inntak efnisins.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• Nýta sér enskan bílaorðaforða til að geta lesið texta og skilið upplýsingarnar sem þar er að finna.
• Hlusta á enska tungu og nýta bílaorðaforða til að túlka og skilja inntak.
• Skrifað texta sem nýtist við störf í bíliðngreinum.
• Beita enska tungumálinu til að geta tekið þátt í samtali sem nýtist í störfum í bíliðngreinum.
• Nota orðabækur og orðasöfn til víkka enskan bílaorðaforða.

Námsmat

Samkvæmt reglum skóla.