EFRÉ3IB05 - Eftirréttir, matreiðsla
Í boði
: Ekki alltaf
Flokkur
: Dagskóli
Lýsing
Nemandi lærir um eftirréttarflokkana, heita, kalda og frosna eftirrétti. Nemandi lærir um sígilda eftirrétti, og aðferðafræði við gerð eftirrétta. Enn fremur er lögð áhersla á að nemandi læri um bakstur sem tilheyrir eftirréttagerð. Nemandi lærir um súkkulaði, temprun og konfektgerð. Nemandi dýptkar skylning sinn á eftirréttagerð.
Nemandi skal hafa öðlast þekkingu og skilning á:
- öllum eftirréttaflokkunum
- aðferðarfræði við gerð eftirrétta
- meðferð og temprun á súkkulaði
- mismunandi tegundir súkkulaðis
- sígildum eftirréttum
- öllum helstu bindi- og bragðefnum í eftirréttagerð
Nemandi skal hafa öðlast leikni í að:
- hanna og setja fram nýja eftirrétti og beita gagnrýninni hugsun
- forgangsraða verkefnum og sýna sjálfstæði og frumkvæði í vinnu sinni.
- afla hagnýtra upplýsinga og greina á milli áreiðanleika þeirra og fræðilegs gildis.
- útfæra sígilda eftirrétti í nútímalegt form
Nemandi skal geta hagnýtt þá almennu þekkingu og leikni sem hann hefur aflað sér til að:
- meta gæði vinnu sinnar með skapandi og gagnrýnni hugsun.
- skipuleggja, útfæra og framkvæma grunnþætti í eftirréttavinnu
- þróa kunnáttu og leikni í eftirréttagerð
- skipuleggja vinnusvæði og framreiðsluferla