BÍLP1BB02Z - Bílprófsundirbúningur með áherslu á undirbúning fyrir bóklegt bílpróf

Lýsing

Þátttaka í umferð er órjúfanlegur hluti af lífi flestra einstaklinga. Í áfanganum er lögð áhersla á að nemendur geri sér grein fyrir þeirri ábyrgð sem fylgir því að vera virkir og öruggir þátttakendur í umferðinni. Sömuleiðis að nemendur átti sig á hve mikilvægt það er að vera góður vegfarandi og hversu mikil áhrif þeir geta haft í umferðinni. Unnið verður með efnið á fjölbreyttan hátt og áhersla er lögð á að nemendur læri meðal annars umferðarmerkin, reglurnar og góða umferðarhegðun.

Markmið

Þekkingarviðmið - Nemandi skal hafa öðlast þekkingu og skilning á:

• skyldum og réttindum vegfarenda og það að vera í umferðinni krefst fullrar athygli
• umferðarmerkjum og umferðarreglum
• þeirri ábyrgð sem fylgir því að vera góður vegfarandi í samfélagi við aðra
• hversu mikil áhrif vegfarendur geta haft í umferðinni
• umburðarlyndi, tillitssemi og virðingu fyrir sjálfum sér og öðrum í umferðinni

Leikniviðmið - Nemandi skal hafa öðlast leikni í að:

• þekkja skyldur sínar og réttindi í umferðinni
• þekkja umferðarmerkin og hvað þau þýða
• þekkja algengustu umferðarreglur
• meta hættur í umferðinni og hvað á að gera þegar eitthvað kemur upp á
• efla sjálfsmynd sína sem athugull, umburðarlyndur og tillitssamur vegfarandi

Hæfniviðmið - Nemandi skal geta hagnýtt þá almennu þekkingu og leikni sem hann hefur aflað sér til að:

• verða virkur, ábyrgur og sjálfstæður vegfarandi í umferðinni
• uppfylla skyldur sínar og réttindi í umferðinni
• meta hættur í umferðinni á réttan hátt
• nýta sér umferðarmerki og umferðarreglur
• eiga góð samskipti við aðra í umferðinni