Fara í efni

Umsóknir um nám á haustönn - fjölbreytt námsframboð

17.05.2016
Umsóknir um nám á haustönn - fjölbreytt námsframboð

Nú eru við á fullu við að taka við umsóknum um skólavist fyrir næstu haustönn. Upplýsingar um námsleiðir eru á heimasíðu skólans undir námið. Í haust byrjar nám í matreiðslu (kokkurinn) eftir margra ára bið. Námið mun gefa aðilum innan ferðaþjónustunnar tækifæri til að efla fagmennsku og menntunarstig innan greinarinnar hér á svæðinu.

VMA býður upp á öflugar bóknámsbrautir og listnámsbraut auk fjölmargra brauta í iðn- og tækninámi.

  • VMA er eini skólinn utan höfuðborgarsvæðisins sem býður upp á fullnaðarnám í vélstjórn.

  • Verkmenntaskólinn er áfangaskóli sem gefur nemendum sveigjanleika í námi og námshraða.

  • Skólinn er góður undirbúningur fyrir sérhæfð störf, háskólanám, sérskólanám og daglegt líf.

  • Í skólanum er öflugt og fjölbreytt félagslíf nemenda - leiksýningar, söngkeppni, árshátíð, nýnemahátíð og klúbbastarf.

  • Í Verkmenntaskólanum er boðið upp á góða þjónustu fyrir nemendur, t.d. gott bókasafn, námsráðgjöf, skólahjúkrunarfæðing, sálfræðing, mötuneyti og fleira.

  • Við skólann er heimavist. Nánari upplýsingar og umsóknir á www.heimavist.is.

  • VMA er í nánu samstarfi við háskóla, bæði innanlands og utan, enda mikilvægt að nemendur sem útskrifast með stúdentspróf, eða önnur lokapróf, uppfylli þær kröfur sem mismunandi háskólar og háskóladeildir gera til þeirra.

  • Nemendur hafa tækifæri til að taka þátt í erlendum nemaskipta-og samstarfsverkefnum.

  • VMA er í góðu samstarfi við fyrirtæki og samtök á vinnumarkaði í starfs- og tæknigreinum og tryggir þannig að höfð sé hliðsjón af þörfum atvinnulífsins.

  • Nemendur VMA hafa náð framúrskarandi árangri á sveinsprófum og í nemakeppnum.

  • VMA hefur hlotið alþjóðlega gæðavottun samkvæmt ISO 9001 staðli. Öll prófskírteini skarta þeim stimpli. 

Umsóknarfrestur um haustönn 2016 fyrir aðra en 10. bekkinga, er til 31. maí. Sótt er um á www.menntagatt.is en allar upplýsingar um námið er að finna á heimasíðu VMA undir námið t.d. hér https://www.vma.is/is/namid/upplysingar-um-nam

Nánari upplýsingar veita námsráðgjafar og sviðsstjórar VMA – sími á skrifstofu 464-0300

 

Til baka