Artist Talk í Ketilhúsinu
Kate Bea, myndlistarkona, heldur fyrirlestur í Ketilhúsinu í dag, þriðjudaginn 12. mars, kl. 17:00-17:40, undir yfirskriftinni Artist Talk. Í fyrirlestrinum fjallar Kate um myndmál málverksins, listsköpun sína á Íslandi og nýjar tilraunir með pappír.
Kate Bea er uppalin í Kóreu en býr nú í New Jersey og New York í Bandaríkjunum. Nálgun hennar í listinni beinist að margskonar sjálfsmyndum, minningum, taugaveiklun og sálfræðilegum mörkum.
Hún er með MFA gráðu frá Rhode Island School of Design og BFA gráðu frá School of the Art Institute of Chicago. Bea hefur sýnt verk sín víða og hlotið ýmis verðlaun s.s. Creative Capital Professional Development Program 2018. Hún hefur einnig dvalið í listamannrýmum víða um heim og er þetta í annað skipti sem hún dvelur á Íslandi. Einkasýning á verkum hennar verður haldin í Sunroom Project Space í Wave Hill, Bronx, NY, 2019.
Þriðjudagsfyrirlestrarnir í Ketilhúsinu eru samvinnuverkefni Listasafnsins á Akureyri, VMA, Gilfélagsins og Myndlistarfélagsins.
Ókeypis er á fyrirlestur Kate Bea og eru allir velkomnir.