ÍSLE1VF03(AV) - Íslenska með áherslu á velferð
Læsi, velferð og bókmenntir.
Einingafjöldi: 3
Þrep: 1
Þrep: 1
Unnið verður með alla þætti íslenskunnar þar sem grunnþátturinn velferð verður hafður að leiðarljósi. Áhersla verður á velferð einstaklingsins í víðum skilningi og einnig verður samspil einstaklings, aðstæðna og umhverfis skoðað og rætt. Notast verður við aldursmiðaðar bókmenntir, íslenskar kvikmyndir og fjölbreytt verkefni. Megin áhersla verður á að nemendur viðhaldi og byggi ofan á þann grunn sem þeir búa nú þegar að.
Þekkingarviðmið
- mikilvægi þess að nýta hæfileika sína
- hugtakinu velferð
- hvernig heilsa sögupersóna birtist í bókmenntum
- hugtökum sem tengjast lýðheilsu og velferð
- samkennd
- mikilvægi þess að taka þátt í umræðum og tjá eigin skoðanir
Leikniviðmið
- vinna með öðrum
- taka tillit til annarra
- taka þátt í umræðum og tjá eigin skoðanir
- sýna samkennd
- meta og greina lýðheilsu og velferð í textum eða upplýsingum
Hæfnisviðmið
- auka eigin hæfni og velferð
- vera meðvitaður um styrkleika sína
- spyrja spurninga og hlusta á sjónarmið annarra af víðsýni
- tileinka sér jákvætt hugarfar