BVVE1ÁV02 - Vinnuvernd og verkfæri á verkstæðum

umgengni, verkfæri, áhöld

Einingafjöldi: 2
Þrep: 1
Forkröfur: Að minnsta kosti 5 einingar í vélfræði/vélstjórn

Farið yfir vinnuverndarmál, svo sem reglur um heilbrigði, hollustuhætti og öryggi á vinnustöðum, ýmsar hættur í störfum og örugg vinnubrögð. Skoðuð áhöld og verkfæri sem notuð eru á ökutækjaverkstæðum. Skoðuð sérverkfæri og áhöld til sérgreindra verka. Farið yfir notkunarsvið og vinnuverndaratriði sem tengjast ýmsum verkstæðisbúnaði, einkum málmsuðutækjum, lyftitækjum, þrýstilofts- og rafknúnum tækjum og aflverkfærum. Fjallað um hættuleg efni og eitrunarhættu og bruna- og sprengihætta. Mikilvægi þess að íhuga hættur og þekkja viðbrögð við óhöppum. Hreinlæti og meðferð úrgangs og spilliefna. Áhersla á fagmennsku við alla þætti sem snerta starfið. Farið yfir helstu gerðir vökva í vélbúnaði: olíur, glussa, kælivökva, bremsuvökva osfrv. Fjallað um staðla, hugtök og eiginleika. Áhersla á mikilvægi þess að velja rétta tegund og afleiðingar mistaka í vali.

Þekkingarviðmið

almennum og sérstökum hættum sem fylgja störfum á ökutækjaverkstæðum og valdið geta slysum, sjúkdómum og skemmdum á verðmætum
persónulegum öryggisbúnaði og reglum um notkun hans
öryggis- og hlífðarbúnaði sem er á tækjum eða verkfærum
helstu verkfærum og sérverkfærum sem notuð eru á ökutækjaverkstæðum, notkun þeirra og umhirðu
algengum skrúffestingum og lyklastærðum
helstu gerðum og eiginleikum vökva sem notaður er í ökutækjum

Leikniviðmið

beita áhöldum og verkfærum sem eru til staðar á ökutækjaverkstæðum
nota persónulegan öryggisbúnað
nota hugtök sem tengjast greininni
beita verkstæðisbúnaði s.s. málmsuðutækjum, aflverkfærum og ýmsum léttitækjum

Hæfnisviðmið

útskýra hugtakið fagmennska
útskýra reglur um hreinlæti og meðferð úrgangs og spilliefna
útskýra samábyrgð allra á vinnustaðnum um örugg vinnubrögð
meta ástand almennra áhalda og verkfæra sem notuð eru á ökutækjaverkstæðum
lýsa meðferð, hirðu og beitingu almennra áhalda og verkfæra sem notuð eru á verkstæðum
lýsa notkun og meðferð verkstæðisbúnaðar: málmsuðutækja, lyftitækja, þrýstilofts- og rafknúinna tækja, aflverkfæra og ýmissa léttitækja
velja rétta tegund olíu, demparavökva, bremsuvökva osfrv. í það tæki sem unnið er við hverju sinni.

Nánari upplýsingar á námskrá.is