MYNL3MS05(AV) - Módelteikning og líkamsbygging, framhald

fagurfræði, módelteikning, sjónskynjun

Einingafjöldi: 5
Þrep: 3
Forkröfur: MYNL2MA05

Nemandinn byggir á fyrri módeláfanga og dýpkar skilning sinn og eykur þekkingu á stærðfræði og fagurfræði mannslíkamans. Hann heldur áfram að þjálfa sig í að umbreyta þrívíðu formi mannslíkamans í tvívíða teikningu með samvinnu sjónskynjunar og hreyfingar handar. Hann rannsakar byggingu og mótun forma mannslíkamans þar sem áhersla er á jafnvægi, hlutföll, hreyfingu milli módelteikningar og beina og vöðvabyggingar. Hann beitir einnig frjálsri teikningu þar sem skynjun, túlkun og tjáning er í forgrunni. Unnið er eftir lifandi fyrirmynd, beinagrind og tvívíðum myndum með ýmiss konar efnum og aðferðum. Nemandinn vinnur sjálfstætt að nánari skoðun á módeli og teiknistíl milli kennslustunda og ígrundar stöðugt verk sín í samvinnu við kennara og aðra nemendur.

Þekkingarviðmið

samvinnu sjónskynjunar og hreyfingar handar í teikningu
margbreytileika þeirra forma, hlutfalla og spennu sem mannslíkaminn býr yfir
samhljómi milli módelteikningar og beina- og vöðvabyggingar mannslíkamans
burðargetu og styrk beina- og vöðvabyggingar og tengingu við hönnun
hvað er ólíkt með rannsóknarvinnu og frjálsri teikningu
hvernig nokkrir ólíkir listamenn í sögunni og samtímanum hafa unnið út frá mannslíkamanum

Leikniviðmið

hreyfa teikniáhald í samræmi og samfellu við skynjun sína og ætlan
teikna og móta hreyfingu í mismunandi líkamsstöðu í jafnvægi og réttum hlutföllum
móta flókin form líkamans og túlka spennu og átök
byggja teikningu sína á rannsóknarvinnu á mannslíkamanum og verkum annarra
skynja og túlka það sem hann sér og upplifir á persónulegan og skapandi hátt

Hæfnisviðmið

nýta þekkingu sína og leikni í módelteikningu til að vinna að ýmsum ólíkum verkefnum
koma auga á hluti/þætti í umhverfi sínu sem tengjast módelteikningu og vinna með þá á eigin forsendum
skilja stærðir og hlutföll og nýta í hvers konar myndsköpun
nýta verk annarra listamanna sem innblástur fyrir eigin verk
ígrunda verk sín og vinnuferli og ræða við aðra
taka virkan þátt í umræðu um verk sín og annarra

Nánari upplýsingar á námskrá.is