LÍFS1FN04 - Neytenda- og fjármálalæsi

fjármálalæsi, jafnrétti, neytendafræðsla, ábyrg hugsun og hegðun í samskiptum

Einingafjöldi: 4
Þrep: 1
Forkröfur: engar

Í þessum áfanga er fjallað um samband nemandans við umhverfið sem hann býr í; fjölskylduna, vinina, afþreyingarmiðla, samfélagsmiðla, skólafélagana, markaðsöflin og nærsamfélagið. Fjallað er um nemandann í nútímasamfélagi, jafnrétti, hvað ber að varast og hvað þarf til að vera virkur samfélagsþegn. Í áfanganum er stefnt að því að nemandinn verði meðvitaður um sig sem neytanda, fjármál sín og áhrif á daglegt líf. Með fjölbreyttum kennsluaðferðum s.s. leikjum, umræðum og verkefnavinnu er lögð áhersla á að nemandinn verði læs á fjármála- og neytendaumræðu í samfélaginu. Markmið áfangans er að gera nemandann sjálfbjarga í nútímasamfélagi og efla gagnrýna hugsun. Um er að ræða verkefnabundið nám og nemandinn rannsakar viðfangsefni áfangans á gagnrýninn og skapandi hátt.

Þekkingarviðmið

neytendahegðun, s.s. mikilvægi fjölskyldu, skóla og vina í félagsmótun
helstu fjármálahugtökum
áhrifamætti sínum sem neytenda og sem hluti af samanburðarhópi
óbeinni markaðssetningu á vörum og þjónustu m.a. í afþreyingarmiðlum
áhrifum afþreyingarmiðla á sjálfsmynd og kynhegðun ungs fólks
notkun, gildi og áhrif samfélagsmiðla
fíknum í ýmsum myndum út frá reynsluheimi unglinga
einföldum fjármálum daglegs lífs

Leikniviðmið

beita gagnrýninni hugsun í umræðu um neytendahegðun
nota samfélagsmiðla í samskiptum innan hóps á ábyrgan máta
skoða óbeina markaðssetningu í afþreyingarefni og beita þeirri þekkingu í skapandi verkefnum
halda utan um eigin neyslu og kostnað
afla sér fjármálatengdra upplýsinga sem nýtast í daglegu lífi
skoða ólíkar birtingamyndir kynhlutverka í miðlum og samfélagi
skoða og meta ólíkt gildismat og viðhorf með tilliti til samhengis orsaka og afleiðinga
lesa auglýsingar og vera meðvitaður um áhrif markaðsvæðingar

Hæfnisviðmið

líta gagnrýnum augum á áhrif markaðssetningar og afþreyingamiðla á ungt fólk
rökræða birtingarmyndir og umræður um unglinga í samfélaginu
meta hvað er við hæfi og hvað ekki í hegðun, framkomu og tjáningu í daglegu lífi
fjalla um birtingarmyndir kynjanna og álitamál þeim tengd frá ólíkum sjónarhornum
miðla upplýsingum og niðurstöðum með gagnrýninni hugsun og færa rök fyrir skoðunum sínum
bera virðingu fyrir sjálfum sér og öðrum og setja sig í spor annarra
skilja samhengi tekna og útgjalda
lesa í fjármálaumræðu og fjármálatilboð
sýna ábyrgð í fjármálum
þekkja réttindi og skyldur sem hann hefur þegar komið er út á vinnumarkaðinn

Nánari upplýsingar á námskrá.is