HAGF2ÞE05 - Þjóðhagfræði
efnahagsþróun, hagkerfi, verðmyndun, þjóðhagsreikningar
Einingafjöldi: 5
Þrep: 2
Forkröfur: engar
Þrep: 2
Forkröfur: engar
Í áfangum eru grunnhugtök og meginviðfangsefni hagfræðinnar kynnt ásamt því að fjallað er um grunneiningar hagkerfisins og samspil þeirra í markaðsþjóðfélagi. Fjallað er um markaði og verðmyndun. Hringrás efnahagslífsins er útskýrð og fjallað um þjóðhagsreikninga og helstu hagstærðir þjóðarbúsins og innbyrðis tengsl þeirra. Meginþættir í efnahagsþróun eru teknir fyrir og hagræn vandamál skoðuð með dæmum úr íslensku efnahagslífi. Kynnt er margvísleg framsetning á hagfræðilegu efni. Nemandinn fær þjálfun í að lesa úr línuritum og innsýn í notkun vísitalna, hlutfallareiknings, vegins meðaltals og fleiri algengra aðferða við vinnslu á hagfræðilegum upplýsingum. Áhersla er lögð á að nemandinn geti hagnýtt sér Netið til öflunar hagfræðilegra upplýsinga.
Þekkingarviðmið
- helstu einkennum markaðshagkerfis og blandaðs hagkerfis
- grunneiningum hagkerfisins og meginhlutverkum þeirra
- lögmálum markaðarins og verðmyndun
- hringrás opins, blandaðs hagkerfis
- umsvifum hins opinbera í efnahagslífinu og aðferðum til fjármögnunar þeirra
- helstu aðilum á peningamarkaði og hlutverkum seðlabanka
- helstu ákvörðunarþáttum utanríkisviðskipta s.s. kenningum um hlutfallslega og hreina hagkvæmni
- helstu áhrifaþáttum nafngengis gjaldmiðla og tilhögun við skráningu á gengi íslensku krónunnar
- hugtakinu hagvöxtur, helstu ákvörðunarþáttum hans og vanda við mat á honum m.a. með tilliti til umhverfisvandamála
- helstu vandamálum í efnahagslífinu s.s verðbólgu, atvinnuleysi og erlendri skuldasöfnun
Leikniviðmið
- setja upp líkan fyrir markað
- reikna út markaðsjafnvægi og verðteygni eftirspurnar
- setja upp efnahagshringrás fyrir opið og blandað hagkerfi
- reikna út helstu þjóðhagsstærðir
Hæfnisviðmið
- átta sig á samhengi hlutanna í hagkerfinu og efnahagsþróuninni
- leggja sjálfstætt mat á upplýsingar sem fram koma í umræðu um efnahagsmál
- taka þátt í umræðu um efnahagsmál
- afla sér upplýsinga um helstu hagstærðir og ástand efnahagsmála
- tengja undirstöðuþekkingu í þjóðhagfræði við þróun efnahagsmála