SJÓN1LF05 - Lita- og formfræði
formfræði, litafræði, myndbygging
Einingafjöldi: 5
Þrep: 1
Forkröfur: engar
Þrep: 1
Forkröfur: engar
Í áfanganum kynnist nemandinn lögmálum myndbyggingar og rannsakar hvernig eðli myndflatar breytist eftir því á hvaða hátt línur og form skipta honum upp. Nemandinn þjálfar sig í óhlutbundinni myndgerð með það að markmiði að ná fram mismunandi áhrifum á tvívíðan flöt en einnig í þrívídd. Grundvallaratriði í meðferð lita eru einnig viðfangsefni áfangans og kannar nemandinn samspil þeirra, virkni og áhrif. Nemandinn þjálfast í að blanda liti og beita þeim á markvissan hátt. Hann þjálfast í notkun margvíslegra efna og áhalda við rannsóknir sínar. Nemandinn kynnist verkum nokkurra listamanna og hönnuða í tengslum við verkefnavinnu. Samhliða henni þjálfast hann einnig í notkun grunnhugtaka í lita- og formfræði.
Þekkingarviðmið
- grunnhugtökum í lita og formfræði
- ólíkum áhrifum lína og forma á mismundandi stöðum í myndfleti
- mismunandi áhrifum og vægi lita
- blöndun og beitingu ljós- og efnislita
- klassískum fegurðarlögmálum og notkun þeirra í myndlist, hönnun og byggingarlist
Leikniviðmið
- beita litum og formum til að ná fram mismunandi áhrifum
- nota grunnhugtök í lita og formfræði
- nota mismunandi efni og blanda liti
- nota verk nokkurra myndlistamanna og hönnuða sem innblástur fyrir eigin vinnu
Hæfnisviðmið
- rannsaka óhlutbundna myndbyggingu
- nýta grundvallaratriði í myndbyggingu, lita og formfræði til að tjá eigin hugmyndir
- rökstyðja skoðanir sínar um málefni sem tengjast mismunandi merkingu lita, forma og efnis
- nýta og meðhöndla mismunandi efnistegundir bæði í tvívíðum og þrívíðum verkum