SSVL2SF03 - Saga sviðslista - Sviðslist og framúrstefna
Sviðslist og framúrstefna
Einingafjöldi: 3
Þrep: 2
Forkröfur: SSVL1LG03
Þrep: 2
Forkröfur: SSVL1LG03
Farið verður í þá strauma og stefnur innan sviðslista á tuttugustu öld sem telja má til framúrstefnu. Skoðað verður hvernig sviðslistamenn og –hópar hafa hafnað ríkjandi formum og aðferðum sviðslista og leitað nýrra leiða í list sinni, t.d. með uppbroti á sviðsrými, nýjum tjáningaraðferðum leikarans og breyttu aðferðum við sköpun sviðsverka. Byrjað verður á umfjöllun um framúrstefnu við upphaf tuttugustu aldar, s.s. hjá fútúristum, dadaistum og konstrúktivistum. Þá verður horft til tilraunaleikhúss á sjöunda og áttunda áratugnum, samruna leiklistar og myndlistar í gjörningum, ‘happenings’, og tilraunamennsku á sviði dansleikhúss. Kennsla fer fram í fyrirlestrum og samræðum og er áhersla lögð á skoðun framúrstefnu sem viðbragðs við ríkjandi hefðum og samfélagslegum straumum.
Þekkingarviðmið
- Helstu straumum framúrstefnu í sviðslistum á tuttugustu öld,
- áhrifum andófs gegn ríkjandi hefðu á tilkomu nýrra aðferða og forma í listsköpun,
- áhrifum samfélags og menningar á framúrstefnu,
- mikilvægi gagnrýninnar hugsunar í umfjöllun um sviðslistamenn, verk þeirra og sögulegt samhengi.
Leikniviðmið
- Njóta lista á margvíslegu formi,
- nota viðurkenndar heimildir til að setja fram rökstudda skoðun,
- nýta fræðilegt efni jafnt á íslensku sem erlendum tungumálum,
- beita gagnrýninni hugsun í umfjöllun um strauma og stefnur í sviðslistum á tuttugustu öld,
- taka þátt í umræðum um sviðslistir í eigin samfélagi.
Hæfnisviðmið
- Mynda sér skoðun á ólíkum straumum og stefnum í sviðslistum,
- tjá hugmyndir sínar og skoðanir á rökstuddan hátt í ræðu og riti,
- beita gagnrýnni hugsun á markvissan hátt í umfjöllun um viðfangsefni áfangans,
- vinna fræðilegt verkefni byggt á sjálfstæðri heimildavinnu.