SVIÐ2SY07 - Tæknigrunnur 2 - Sviðsmynd

Sviðsmynd

Einingafjöldi: 7
Þrep: 2
Forkröfur: Nemendur hafi lokið 60 eininga námi á listanáms-, rafiðn- eða tréiðnbraut.

Í áfanganum er lagður grunnur að þeirri tækniþekkingu sem tengist sviðsmynd og varðar m.a. vinnu með ljós, hljóð og leikmynd. Gefin er innsýn í þá margvíslegu tækniþætti sem liggja að baki uppsetningu á sviðsverki. Annarsvegar er fjallað um ákveðna grunnþætti varðandi lýsingu og hljóðvinnslu og hinsvegar um hönnun og smíði sviðsmyndar. Fjallað er um þau tæki sem notuð eru í sviðsverkum s.s. ljósaborð, kastara, hljóðnema, hljóðblöndun, hátalara, skjávarpa og tölvubúnað. Fjallað er um mikilvægi góðrar umgengni um tæki og búnað og þær varúðarráðstafanir sem hafa ber í huga við meðferð raftækja. Fagkennari af rafiðnbraut annast þennan þátt námsins. Fagkennari af sviðslistabraut leiðir nemendur í hugmyndavinnu fyrir sviðsmynd og vinnslu módels eftir hugmynd þeirra. Skoðaðir eru mismunandi möguleikar í vinnu með rými og leiðir til að skapa verkinu umgjörð sem styður við innihald þess og boðskap. Í samvinnu við fagkennara af trésmíðabraut er fjallað um frekari útfærslu á hugmyndum nemenda s.s. heppilegan efnivið og aðferðir við byggingu sviðsmyndar.

Þekkingarviðmið

Margvíslegum tæknimöguleikum í tengslum við uppsetningu og keyrslu sviðslistaverks eða viðburðar,
verklagsreglum og varúðarráðstöfunum í tengslum við notkun á ljósa- og hljóðbúnaði og öðrum tæknibúnaði sem tengist sviðshönnun,
mikilvægi þess að skipuleggja vel alla tæknilega útfærslu og notkun tækjabúnaðar við uppsetningu sviðslistarverks,
möguleikum rýmisins til að skapa sviðsverki umgjörð sem styður við innihald þess og boðskap,
margvíslegum efnivið og aðferðum sem nota má við smíði leikmyndar.

Leikniviðmið

Meðhöndla tæknibúnað sem tengist sviðslistum af öryggi,
setja fram hugmyndir um tæknilega útfærslu og smíði sviðsmyndar,
gera módel að sviðsmynd,
nota ljósa- og hljóðbúnað í listrænu samhengi.

Hæfnisviðmið

Aðstoða við vinnslu sviðsmyndar, lýsingar eða hljóðs í leikhúsi, í tengslum við önnur sviðslistaverk eða viðburði,
starfa við sviðshönnun/vinnslu með leikfélagi VMA,Yggdrasil eða við aðra viðburði í skólanum eða hjá öðrum áhugafélögum,
umgangast ljósabúnað, ljósaborð og annan tæknibúnað í tengslum við sviðsverk og aðra viðburði af þekkingu.

Nánari upplýsingar á námskrá.is