Fara efni  

Lokamarkmi nms

Samkvæmt aðalnámskrá framhaldsskóla þarf nemandi að loknu námi að búa yfir þekkingu, leikni og hæfni. Nemandi þarf að vita hvernig hann á að beita þessum þáttum til að hafa áhrif á umhverfi sitt og afla sér þekkingar, greina hana og miðla.
Í ljósi grunnþáttanna og þeirra krafna um lykilhæfni sem gerðar eru til nemenda að loknu námi í framhaldsskóla eru markmið náms við VMA þau að nemendur:

  • séu vel undirbúnir fyrir frekara nám og störf
  • taki ábyrga afstöðu til eigin velferðar og heilbrigðis
  • séu meðvitaðir um gildi reglulegrar hreyfingar
  • séu meðvitaðir um mikilvægi fjölbreyttrar og næringarríkrar fæðu
  • sýni frumkvæði og skapandi hugsun
  • geti miðlað hæfni sinni á skapandi hátt
  • geti notið lista, menningar og skapandi starfs
  • virði jafnrétti í samskiptum
  • séu meðvitaðir og gagnrýnir á áhrif fyrirmynda og staðalmynda á eigin ímynd og lífsstíl
  • beri virðingu fyrir skoðunum og lífsgildum annarra
  • búi yfir jákvæðri og uppbyggilegri félags- og samskiptahæfni
  • séu virkir og ábyrgir þátttakendur í lýðræðissamfélagi
  • séu meðvitaðir um margvíslegar auðlindir náttúrunnar og geti tekið afstöðu til skynsamlegrar nýtingar þeirra
  • skilji hvernig vistkerfi jarðar setur manninum takmarkanir
  • geti á gagnrýninn hátt metið gildi upplýsinga um umhverfi og náttúru
  • séu virkir og ábyrgir borgarar í umhverfi sínu og náttúru
  • þekki, skilji og virði umhverfi sitt og náttúru
  • geti tjáð sig í ræðu og riti, útskýrt og rökstutt á skýran hátt
  • geti nýtt sér margvíslega tækni í þekkingarleit
  • geti aflað gagna, flokkað og nýtt sér upplýsingar á gagnrýninn hátt
30. september 2014.

VERKMENNTASKLINN AKUREYRI

Hringteigi 2
600 Akureyri
Smi 464 0300 / Fax 464 0301

Kt. 531083-0759

vma[ hj ]vma.is

Skrifstofa VMA
er opin alla virka daga fr kl. 08:00 - 15:00