Fara í efni  

Flokkunarkerfi

Flokkunarkerfi

Öllum bókum er raðað eftir efni í númeraröð frá 000 - 999.999... Flokkunarkerfið er það útbreiddasta í heiminum og nefnt eftir höfundinum, Dewey.

Flokkunarkerfið hangir uppi á bókasafninu til að auðvelda notendum að átta sig á flokkun safnkostsins í grófum dráttum.

Skipting í hundruð

  • 000 Almennt efni
  • 100 Heimspeki, sálfræði, siðfræði
  • 200 Trúarbrögð
  • 300 Samfélagsgreinar
  • 400 Tungumál
  • 500 Raunvísindi
  • 600 Tækni, framleiðsla, iðnaður
  • 700 Listir
  • 800 Bókmenntir
  • 900 Sagnfræði, landafræði, ævisögur

Hvernig finn ég eina ákveðna bók í hillunum?

Safnkosturinn er skráður í tölvu nema tímaritin. Hægt er að leita að höfundi, titli eða efni. Ef bókin finnst í tölvu er hægt að sjá í ritalýsingunni hvar hún er flokkuð. Flokkstala / marktala kallast talan á hvíta miðanum á kili bókarinnar. Hún vísar okkur á hilluna þar sem bókin á heima.

Dæmi um marktölu / flokkstölu bókar: 551.2109491
Um hvað skyldi bók með þessari löngu tölu vera?

  • 500 raunvísindi
  • 550 jarðvísindi
  • 551 jarðfræði
  • 551.2 innræn öfl
  • 551.21 eldfjöll
  • 949.1 Ísland

551.21 + 9491 : eldfjöll á Íslandi

Allar bækur sem fjalla um eldfjöll á Íslandi fá þá þessa marktölu

Marktalan er prentuð á kjalmiða sem settur er á kjöl allra bóka eða gagna safnsins. Fyrir neðan marktöluna eru settir þrír bóksatafir. Það eru fyrstu þrír stafirnir í nafni íslensku höfundanna, eftirnafni erlendu höfundanna eða fyrstu þrír stafir í nafni titils ef höfunda er ekki getið, eða þeir fleiri en þrír. 

Getum viđ bćtt efni síđunnar?

VERKMENNTASKÓLINN Á AKUREYRI

Skrifstofa VMA er opin alla virka daga frá kl. 08:00 - 15:00