Almenn braut 1

Fyrsta námsári er skipt í AN1 og AN1B:

ALMENN BRAUT 1  AN1  
Almenn braut AN1 er eins árs námsbraut fyrst og fremst ætluð nemendum sem ekki hafa náð þeim árangri í grunnskóla sem þarf til þess að innrita sig á aðrar námsbrautir í framhaldskóla. Nám á brautinni miðar að því að bæta stöðu nemenda í bóklegum greinum, kynna þeim náms- og starfsmöguleika og gera þá hæfari til þess að takast á við nám í framhaldsskóla og störf úti í samfélaginu.

Áfangalýsingar 

Skólinn bindur námsval á haustönn.  Þá fara nemendur í tvo  almenna bóknámsáfanga, ýmist 102 eða 193/293 eftir árangri nemanda í grunnskóla.  Á vorönn geta nemendur valið meira en allir á AN1 þurfa að taka LKN291og ÍÞR202(drengir)/212(stúlkur)  á vorönn.

Í framhaldi af AN1 í eitt ár er markmiðið að nemandi geti valið sérhæfða námsbraut, oft í framhaldi af kynningaráfanga á ákveðinni verknámsbraut eða bóknám ef áhugi og árangur gefur tilefni til þess.  Til þess að  nemandi geti skipt um námsbraut þarf hann uppfylla inntökuskilyrði viðkomandi námsbrautar.

Hér má nálgast Áfangalýsingar - Kennsluáætlanir

NSK196 – Náms- og starfskynningar þar sem unnin eru verkefnin á flestum verknámsbrautum skólans.

Verkgr.194/5/6 – Ýmsir áfangar þar sem farið er dýpra í kynningu á verk- og listnámsbraut. T.d. SMÍ194, RAF194, VÞS195, TRÉ195 og LIS194/5

Upprifjunaráfangar
 Áfangar með númer 193 og 293 eru upprifjun á efni grunnskóla. Slíkir áfangar eru til í ýmsum fögum t.d.  íslensku, stærðfræði, ensku og dönsku. Millistafurinn 9 vísar til almennrar brautar.

Í íslensku, ensku og dönsku byrja nemendur í 193 áfanga sem upprifjun.  Nemandi sem fær einkunnina 5 eða 6 úr 193-áfanga í íslensku, ensku eða dönsku hefur staðið áfangann en þarf að taka viðbótarupprifjun í áfanga 293. Nemandi sem fær einkunnina 7 eða hærri kemst beint í áfanga 1026 (hægferð). Um upprifjunaráfanga í stærðfræði gildir að þeir nemendur sem eru rétt undir lágmarki úr grunnskóla fara beint í STÆ293 en þeir nemendur sem hafa mjög slakan árangur í grunnskóla eða þurfa að byrja aftur á grunnatriðum í reikningi taka fyrst STÆ193 og síðan STÆ293 áður en þau taka STÆ102.