MARKMIÐ NÁMSRÁÐGJAFARINNAR ER:
- Að öllum nemendum VMA líði sem best í náminu og skólanum og hver og einn nái góðum árangri í námi og samsvörun sé milli einstaklings og náms- og starfsvals.
HLUTVERK NÁMSRÁÐGJAFAR ER MARGÞÆTT EN HELSTU ÁHERSLUR ERU:
- Að leiðbeina núverandi og væntanlegum nemendum VMA um val á námi og námsframvindu innan skólans. Námsráðgjafi veitir ráðgjöf og upplýsingar um námið og þá þjónustu innan skólans sem nemendur og almenningur eiga kost á.
- Að veita einstaklingum og hópum leiðsögn á meðan á námi stendur, ekki síst um bætt vinnubrögð í námi. Nám í framhaldsskóla gerir kröfur um að nemendur geti unnið sjálfstætt og námsráðgjafi leiðbeinir einstaklingum um hvernig hægt er að tileinka sér góðar vinnuvenjur og að skipuleggja tíma sinn.
- Að veita nemendumstuðning og ráðgjöf í persónulegum málum sem upp geta komið á námstímanum s.s. kvíða, depurð, samskiptavanda, breytingum á högum eða félagslegri einangrun.
- Að leiðbeina nemendum um val á námi bæði hérlendis og erlendis að loknu námi við VMA.
- Að hafa umsjón með málefnum nemenda sem eiga við hamlanir að stríða.
- Að taka þátt í kynningarstarfi skólans, innan hans sem utan.
Moodle
