Verkmenntaskólinn á Akureyri

Stjórnun og starfsfólk

Verkmenntaskólinn á Akureyri er meðal stærstu framhaldsskóla landsins. Nemendur hans eru um 1300 í dagskóla og 700-800 í fjarnámi. Starfsmenn eru því margir en stöðugildin eru orðin um 150, og þar á meðal um 100 kennarar.

Stjórnkerfi skólans kann að virðast flókið við fyrstu sýn en staðreyndin er sú að stjórnuninni er dreift á margar hendur. Er það meðal annars gert til þess að tryggð sé góð yfirsýn - að öll starfsemin verði sýnileg, stjórnkerfið skilvirkt og upplýsingaflæði sem greiðast. Í því skyni er stuðst við margvísleg úrræði.