Verkmenntaskólinn á Akureyri

Kennarar í einstökum áföngum meta nemendur á grundvelli þess hve vel þeir hafa sinnt námi sínu og hvernig þeir standa nú gagnvart lokamati í áfanganum. Þannig byggir miðannarmatið ekki á einu prófi eða verkefni heldur á því hvernig nemandinn hefur sinnt námi sínu og hvaða árangri hann hefur náð til þessa á önninni.   Aðeins eru notaðar fjórar einkunnir, A, B,  C og D.

A Góð staða þýðir að nemandinn standi vel að vígi, komi undirbúinn í kennslustundir og stundi námið vel.

B Þokkaleg staða þýðir að staða nemandans í námi sé viðunandi en gæti verið betri. Til þess að ná viðkomandi áfanga megi hann ekki slaka á og þurfi helst að bæta sig.

C Slök staða þýðir að staða nemandans í áfanganum er ekki góð og þarf hann að taka sig á til ljúka honum á þessari önn.

D Óviðunandi staða þýðir að nemandinn hafi stundað námið illa, mæti ekki nægilega vel og geri ekki það sem kennari og kennsluáætlun ætlast til af honum. Lágmarkseinkunn í áfanganum geti nemandi því aðeins náð með því að bæta mætingar og taka sig verulega á í náminu það sem eftir er annarinnar.

Með miðannarmatinu vill skólinn upplýsa nemendur og foreldra á miðri önn um stöðu og gengi  í einstökum fögum. Líta má á einkunnina sem umsögn kennara á þessum tíma en endanlegur árangur nemenda mun ráðast af því hve vel þeir sinna námi sínu til loka annarinnar. Þannig felast í matinu ábendingar til foreldra og nemenda um það hvar vel sé unnið, hvar halda þurfi vel á spilum og hvar nauðsynlegt sé að gera betur ef ekki eigi illa að fara. Forráðamenn nemenda yngri en 18 ára fá miðannarmar sent heim.