Verkmenntaskólinn á Akureyri

Meginmarkmið grunnnáms bygginga- og mannvirkjagreina er að veita nemendum sýn á atvinnugreinina og störf innan hennar. Lögð er áhersla á kennslu undirstöðuatriða í efnisfræði, áhalda- og tækjafræði, teikningum, verktækni og vinnuvernd. Í lok grunnnámsins eiga nemendur að vera hæfari til að velja sér sérsvið innan bygginga- og mannvirkjaiðnaðar og hafa fengið faglegan grunn til að byggja áframhaldandi nám á.  Námið er ein önn en síðan tekur við sérhæfing í þeirri byggingagrein sem nemendur velja.

Prentvæn útgáfa

Áfangalýsingar

Að loknu grunnnáminu geta nemendur valið um eftirfarandi námsleiðir:

• Sérnám í húsasmíði ( skóli og starfsþjálfun í 7 annir)
• Sérnám í húsgagnasmíði ( skóli og starfsþjálfun í 7 annir)
• Sérnám í málaraiðn ( skóli og starfsþjálfun í 7 annir)
• Sérnám í múrsmíði ( skóli og starfsþjálfun í 7 annir)
• Sérnám í pípulögnum ( skóli og starfsþjálfun í 7 annir)
• Sérnám í veggfóðrun og dúklögn ( skóli og starfsþjálfun í 7 annir)