Miđannarmat

Á miđri önn meta kennarar í einstökum áföngum nemendur á grundvelli ţess hve vel ţeir hafa sinnt námi sínu og hvernig ţeir standa á miđri önn gagnvart

Miđannarmat

Á miðri önn meta kennarar í einstökum áföngum nemendur á grundvelli þess hve vel þeir hafa sinnt námi sínu og hvernig þeir standa á miðri önn gagnvart lokamati í áfanganum. Matið er hugsað sem umsögn um ástundun (virkni í tímum, heimavinnu, verkefnaskil, einkunnir á skyndiprófum, mætingu o.þ.h.) en ekki einkunn og á þannig að vera hvatning til nemandans um að halda áfram á réttri braut eða taka sig á.
Í miðannarmati eru notaðar fjórar einkunnir, A, B, C og D. Auk þess er hægt  að gefa umsögn eða skýringu með einkunninni.

A - Afar góð staða þýðir að nemandinn standi vel að vígi, komi undirbúinn í kennslustundir og stundi námið vel.

B - Góð staða þýðir að staða nemandans í námi sé góð en hann gæti gert betur. 

C - Sæmileg staða þýðir að nemandinn megi ekki slaka á og þurfi  að bæta sig til að ná markmiðum áfangans.

D - Slæm staða þýðir að nemandinn hafi stundað námið illa.  Lágmarkseinkunn í áfanganum geti hann aðeins náð með því að taka sig verulega á í náminu

Með miðannarmatinu vill skólinn upplýsa nemendur og foreldra á miðri önn um stöðu og gengi í einstökum fögum. Líta má á einkunnina sem umsögn kennara á þessum tíma en endanlegur árangur nemenda mun ráðast af því hve vel þeir sinna námi sínu til loka annarinnar. Þannig felast í matinu ábendingar til foreldra og nemenda um það hvar vel sé unnið, hvar halda þurfi vel á spilum og hvar nauðsynlegt sé að gera betur ef ekki eigi illa að fara. Miðannarmat er gert hjá öllum nemendum yngri en 18 ára og er niðurstaðan birt í Innu, upplýsingakerfi framhaldsskólanna.

Verkmenntaskólinn á Akureyri

Hringteig 2
600 Akureyri
Sími 464 0300 / Fax 464 0301
Kt. 531083-0759
vma@vma.is

Skrifstofa VMA
er opin alla virka daga frá kl. 08:00 - 15:00