Einkunnir
Miðað er við meðaltal samræmds prófs og skólaeinkunnar. Almenn skilyrði er einkunnin 5 í íslensku og stærðfræði (4,5 á samræmdu prófi)
| Félagsfræðabraut | Náttúrufræðibraut | Listnámsbraut | Hagfræðibraut | |
| Íslenska | 6 | 6 | 5 | 5 |
| Stærðfræði | 5 | 6 | 5 | 5 |
| Enska | 6 | 5 | 5 | |
| Náttúrufræði | 6 | |||
| Samfélagsgr. | 6 |
Almenn inntökuskilyrði
Eftirfarandi reglur gilda um inntöku nemenda í Verkmenntaskólann á Akureyri.
- Nemandi, sem lokið hefur námi í grunnskóla eða hlotið aðra jafngilda menntun, á rétt á að hefja nám í Verkmenntaskólanum að fullnægðum kröfum um starfsþjálfun þar sem hennar er krafist.
- Umsækjandi sem orðinn er 18 ára getur hafið nám í skólanum þótt hann hafi ekki lokið grunnskólaprófi eða sambærilegu prófi.
- Nemendur með lögheimili í sveitarfélögum sem eiga aðild að skólanum hafa að öðru jöfnu forgang um skólavist.
- Nemendur sem búa utan þessa svæðis og óska að stunda nám sem ekki er í boði í heimabyggð þeirra hafa jafnan rétt og heimamenn.
Innritunar- og efnisgjöld
Öllum
nemendum skólans ber að greiða innritunargjald og er greiðsla þess forsenda fyrir því að þeir fái að stunda nám við
skólann. Innheimta þessara gjalda fer fram í júní fyrir haustönn og í nóvember fyrir vorönn. Greiðslufrestur er 3 vikur, en
þá hækkar innritunargjaldið skv. ákvörðun skólanefndar.
Innritunargjald í öldungadeild, fjarkennslu og meistaranám eru með öðrum hætti og þurfa nemendur þar að standa undir þriðjungi kennslukostnaðar.
Nemendur sem stunda nám á verklegum brautum þurfa að auki að greiða efnisgjald, sem miðast við efnisnotkun hverrar brautar. Efnisgjald skal greitt þegar stundatöflur eru afhentar.
Mat á námi úr öðrum skólum
Ef nemandi flyst á milli skóla, halda þeir áfangar einkunn sinni sem hann flytur með sér, samræmist þeir námskrá Verkmenntaskólans. Aðra áfanga má meta sem valgreinar. Nemandi skal hvorki hagnast né tapa á því að flytja á milli skóla, falli fyrra nám að því námskerfi sem Verkmenntaskólinn býður.
Stöðupróf
Nemendur sem uppfylla eftirfarandi skilyrði, eiga rétt á að ganga undir stöðupróf:
- Þeir sem koma erlendis frá. Skiptinemar og aðrir sem hafa verið lengur en 4 mánuði í námi eða á námskeiðum erlendis.
- Þeir sem hafa aukið þekkingu sína í tiltekinni námsgrein frá síðasta prófi í greininni og geta ekki sýnt fram á það með öðrum hætti.
- Ef liðin eru meira en 10 ár frá því prófið var tekið.
- Ef um er að ræða námskeið sem viðtökuskóli telur sér ekki fært að meta.
Stöðupróf eru haldin tvisvar á ári, í janúar og ágúst, í skólum sem Menntamálaráðuneytið velur. Nemandi sem óskar eftir því að fá stöðu sína metna í tiltekinni námsgrein, skal sækja um það til áfangastjóra.
