VMA-kylfingar tóku þátt í framhaldsskólamóti

Síðastliðinn laugardag fór fram hið árlega golfmót framhaldsskólanna – þ.e. starfsmanna skólanna og að sjálfsögðu sendi VMA vaska sveit til leiks. Mótið fór fram á golfvelli Oddfellowmanna í Garðabæ við hinar prýðilegustu aðstæður.

Hörður Óskarsson, einn liðsmanna VMA-liðsins, segir að stigaskor norðanmanna hafi verið upp og ofan, eins og gengur, en ánægjan af því að taka þátt í mótinu í góðra vina hópi hafi verið öðru mikilvægara.

Á meðfylgjandi mynd má sjá liðsmenn VMA. Frá vinstri: Hinrik Þórhallsson, Svanlaugur Jónasson, Börkur Már Hersteinsson, Hörður Óskarsson, Hafberg Svansson og Haukur Jónsson.