Miðasala á árshátíð VMA hefst í dag
Í dag - eftir löngu frímínútur - hefst sala aðgöngumiða á árshátíð VMA, sem verður föstudagskvöldið 24. febrúar nk. í íþróttahúsi Síðuskóla. Sala aðgöngumiða verður fyrir utan nemendaráðsskrifstofuna.
Óhætt er að segja að í engu er til sparað við árshátíðina að þessu sinni og hafa sjaldan eða aldrei jafn mörg stórstirni stigið á stokk á einni og sömu hátíðinni. Auddi og Steindi Jr. munu veislustýra hátíðinni og á dansleiknum að málsverði loknum skemmta Emmsjá Gauti, Páll Óskar, Ká-Aká, GKR og Bent og Blezroca skemmta. Til stóð að Úlfur Úlfur kæmi fram á árshátíðinni en af óviðráðanlegum ástæðum gat ekki orðið af því. Í þeirra stað skemmta Ká-Aká, GKR og Bent og Blezroca.
Matseðill kvöldsins hljómar svo að í aðalrétt verður heilsteikt lambalæri með rjómasósu. Meðlæti verður ferskt salat, kartöflugratín, gænar baunir og rauðkál. Í eftirrétt verður súkkulaðikaka með rjómatopp.
Verð aðgöngumiða í mat og á dansleik er kr. 4.900 (sem er 2.000 kr. lækkun frá því í fyrra) en á ballið að loknum matnum kostar miðinn kr. 2.500.